AXENDA PT/AL GALICIA 2026 2027. Pedagoxía Terapéutica e Audición e Linguaxe

Descripción

Todo o curso e o seguimento do teu alumnado organizados nunha mesma axenda

A Axenda Docente Galicia 2026-2027 · Modelo PT/AL foi creada para facilitar a organización diaria e o seguimento do alumnado por parte do profesorado de Pedagoxía Terapéutica (PT) e Audición e Linguaxe (AL).

Parte da estrutura da nosa Axenda Docente Base, pero adapta os seus rexistros ás necesidades específicas destes perfís profesionais: atención a alumnado de diferentes cursos e grupos, organización dos apoios, cambios de horario ao longo do curso, planificación da intervención, seguimento individual, coordinación con titorías, orientación, familias e outros profesionais.

Non é unha axenda escolar adaptada, senón unha ferramenta deseñada especificamente para o traballo docente de PT e AL, cunha estrutura flexible que permite empregala segundo a realidade de cada centro, cada especialista e cada alumno ou alumna.

O seu interior combina calendarios, planificación mensual e semanal, horarios, fichas individuais e rexistros de coordinación e seguimento nun deseño claro, profesional e funcional, pensado para escribir con comodidade e ter localizada nun mesmo lugar a información importante de todo o curso.

Que atoparás no seu interior?

Organización profesional e dos apoios

• Datos profesionais e dos centros educativos.
• Espazo para indicar etapas, grupos e cursos nos que se intervén.
• Persoa de referencia de orientación e información importante.
• Horario persoal.
• Gardas de recreo, gardas de tarde e outras.
• Dous horarios adicionais de atención / apoio, pensados para poder recoller cambios na organización ao longo do curso.
• Calendario escolar oficial de Galicia.
• Conmemoracións e datas educativas relevantes.
• Planificación anual do curso.
• Espazo para aniversarios do alumnado.

Alumnado atendido

• Listado xeral para ata 45 alumnos e alumnas.
• Curso e titor/a de referencia.
• Espazo para datos de interese e anotacións.
• Deseñado para poder incorporar alumnado de diferentes cursos, grupos ou etapas ao longo do curso.

Fichas individuais de intervención e seguimento

A axenda incorpora 30 fichas individuais, unha páxina completa por alumno/a, para ter reunida a información esencial da intervención.

Cada ficha permite recoller:

• Nome e apelidos.
• Curso.
• Titor/a.
• Data de nacemento.
• Atención: número de sesións e modalidade de apoio.
• Necesidades, apoios e ámbitos prioritarios.
• Obxectivos prioritarios de intervención.
• Situación ou valoración inicial.
• Seguimento do 1º trimestre.
• Seguimento do 2º trimestre.
• Seguimento do 3º trimestre / final.
• Datos relevantes da adaptación curricular, cando proceda.

A estrutura é deliberadamente aberta para poder adaptarse tanto ao traballo de PT como de AL e permitir que cada profesional rexistre aquilo que realmente necesita segundo o alumno ou alumna: linguaxe, comunicación, lectoescritura, aprendizaxe, autonomía, funcións executivas, acceso ao currículo, medidas de apoio, evolución ou outros aspectos relevantes.

Planificación mensual e semanal

• Calendario de cada mes.
• Páxina mensual de actividades, tarefas e pendentes.
• Planificación semanal en dobre páxina.
• Seis sesións ou franxas horarias por día.
• Espazo para anotacións.
• Fin de semana e visión rápida do mes.
• Pequenos tips de organización, benestar e autocoidado docente.
• Planificación desde setembro de 2026 ata xullo de 2027.

Reunións, coordinación e acordos

Un bloque amplo para rexistrar as reunións que forman parte do traballo habitual de PT e AL:

• Coordinación con titores e titoras.
• Departamento ou equipo de orientación.
• Familias.
• Equipos docentes.
• Outros profesionais.
• Servizos externos.
• Claustros e outras reunións de centro.

Cada rexistro dispón de espazo para:

• Tipo de reunión.
• Data.
• Temas e anotacións.
• Acordos.
• Responsable.
• Prazo.

Deste xeito, un mesmo modelo permite rexistrar diferentes tipos de coordinación sen ter que repartir a información entre varios apartados.

Situacións relevantes

Espazo específico para deixar constancia de situacións que requiren un seguimento máis detallado:

• Alumno/a.
• Data e hora.
• Lugar.
• Antecedentes.
• Situación ou feito observado.
• Actuacións realizadas.
• Comunicación, derivación e seguimento.

Un rexistro aberto que pode empregarse para incidencias, cambios significativos, observacións importantes, actuacións específicas ou outras situacións que interese documentar.

Rexistro de comunicacións

• Asunto da comunicación.
• Seguimento.
• Data.
• Canle empregada.
• Comunicación enviada ou recibida.
• Persoa coa que se realiza.
• Indicación de comunicación pechada ou pendente.

Contempla comunicacións a través de Abalar, correo electrónico, teléfono, presencialmente ou por outras canles.

Outros recursos prácticos

• Resumo de permisos, licenzas e reducións de xornada máis habituais.
• Teléfonos, correos e contactos educativos de interese.
• Espazos para tarefas e pendentes.
• Páxinas libres para notas.
• Información orientativa con acceso á normativa oficial.

Escolle o formato que mellor se adapte a ti

A axenda está dispoñible en dous tamaños:

• A5: máis compacta e cómoda para transportar.
• A4: con máis espazo para escribir e cubrir os rexistros.

Ambos os formatos inclúen o mesmo contido.

Características

• Curso escolar 2026-2027.
• Planificación de setembro de 2026 a xullo de 2027.
• Integramente en galego.
• Modelo específico para profesorado de Pedagoxía Terapéutica (PT) e Audición e Linguaxe (AL).
• Estrutura aberta e flexible para adaptarse a distintos tipos de apoio e intervención.
• 188 páxinas, incluídas portada e contraportada.
• Listado para ata 45 alumnos/as atendidos/as.
• 30 fichas individuais completas de intervención e seguimento.
• Horario persoal + horarios específicos de atención e apoio.
• Formato A5 ou A4, a elixir.
• Encadernación en espiral.
• Deseño claro, profesional e funcional.
• Pensada para reunir nun único soporte planificación docente + organización dos apoios + información individual + seguimento + coordinación.

Outros modelos dispoñibles

A colección para profesorado conta con tres modelos:

• Base: planificación e organización xeral do traballo docente.
• Titoría: incorpora rexistros específicos para o seguimento do grupo, alumnado e familias.
• PT/AL: deseñada para a organización da atención e o seguimento individual do alumnado por parte de especialistas de Pedagoxía Terapéutica e Audición e Linguaxe.

Tamén dispoñemos de axendas escolares para o alumnado desde Educación Infantil.

Pedidos para centros e colectivos

Para pedidos de varias unidades destinados a centros educativos, ANPA, entidades ou grupos de docentes, podes contactar por teléfono ou WhatsApp no 686 812 315.